Házirgi waqıtta Tashkent qalasında sporttıń Armrestling hám para armrestling túrinen barlıq jas kategoriyalar arasında Jáhán kubogi jarısları bolıp ótpekte.

Jarısqa Hindstan, Qazaqstan, Qırǵızstan, Tájikstan, Mongoliya, Ukraina, Belarus hám Qıtay mámleketlerinen jámi 300 ge shamalas sportshılar qatnaspaqta.
Jarısta para armrestling boyınsha Ózbekstan saylandı komandası quramında qaraqalpaqstanlı 6 sportshı qatnasıp, 2 medaldı qolǵa kirgiziwge miyasar boldı.
Atap aytqanda, Tórtkúl rayonındaǵı sport mektebi shuǵıllanıwshıları Mohinur Artıqbaeva 50 kg. salmaq kategoriyasında oń qol menen bellesiwde barlıq qarsılasların jeńip shıǵıp, kubok jeńimpazına aylandı hám altın medal menen sıylıqlanǵan bolsa, Nematjan Xwjamuratov 100+ kg. salmaq kategoriyasında oń hám shep qolda bellesiw boyınsha ótkerilgen jarısta sıylı 3-orındı iyelewge miyasar boldı.
Jeńimpaz parasportshılarımızdı jarısqa Nilufar Annamuratova tayarladı.
Kubok jarısları ele dawam etpekte.

Adilbay Orazov,
Qaraqalpaqstan xabar agentligi sholıwshısı