Ministrler Kabinetiniń 2022-jıl 22-fevraldaǵı 80-sanlı qararı menen tastıyıqlanǵan rejege bola, jańa tártip engizilmekte.
Licenziya alıw ushın talaplar qarar rejesiniń 36-qosımshasında belgilengen.

Itibarlısı, mineral tóginler hám ximiyalıq qurallardıń kótere hám usaqlap satıw sawdası menen shuǵıllanatuǵın puqaralar ósimliklerdi qorǵaw baǵdarında joqarı yamasa orta arnawlı qánigelikke, sonday-aq, edukarantin.uz onlayn platformasında mamanlıq arttırǵanı haqqında sertifikatqa iye bolıwı kerek.
Onıń ushın edukarantin.uz saytınan birden-bir identifikator arqalı dizimnen ótip, tólemdi ámelge asırıw talap etiledi.
Oqıw kursın tabıslı juwmaqlaǵan tıńlawshılar sertifikat tiykarında tólemli xızmet kórsetiwi múmkin.
Licenziya alıw ushın arza Birden-bir interaktiv mámleketlik xızmetler portalı (my.gov.uz) yamasa «Licenziya» avtomatlastırılǵan sistema (licnct.gov.uz) arqalı 5-fevral sánesinen qabıl etiledi.
Licenziya 5 jıl múddteke beriledi.
Mineral tóginler hám ósimliklerdi qorǵaw qurallarınıń importı bolsa bunnan bılay ruqsatnama tiykarında ámelge asırıladı.
Onda talapker elektron sanlı qoldan paydalanǵan halda ruqsatnamanı alıw ushın «Bir ayna» bajıxana málimleme sisteması (singlewindow.uz) arqalı bazalıq esaplaw muǵdarınıń bir esesi muǵdarında tólemdi ámelge asırıp, ónim alıp kirgiziliwinen 30 kún aldın múrájat etiwi talap etiledi.

Sh.Mamaturopova, ÓzA