Sońǵı kúnlerde sociallıq tarmaqlarda kartoshka bahasınıń kóterilgeni haqqındaǵı xabarlar tarqaldı. Awıl xojlaǵı ministrligi bul boyınsha túsinik berip, bahalardıń qáliplesiwi hám tómenlewi boyınsha prognozın járiyaladı.

Oǵan bola házirgi kúnde Tashkent qalasındaǵı úlken bazarlarda kartoshkanıń bahası 9-10 mıń sum átirapında bolıp, arzanlatılǵan yarmarkalarda 5-6 mıń sumǵa shekem satılǵan.
Kartoshka bahasınıń artıwına tákirar egilgen maydanlarda ónim az bolıwı, óndiris qárejetleriniń artıwı hám importtaǵı transport mashqalaları sebep boldı. Sońǵı jılları tuqım, tógin, janılǵı hám suw salıqlarınıń bahası keskin artqanı da ózine túser bahaǵa tásir etti.
Bahalardı turaqlastırıw ushın 245 mıń tonna kartoshka rezervke alınıp, 9,9 mıń tonnası bazarǵa shıǵarıldı. Sonday-aq, Awǵanstan, Qırǵızstan, Pakistan hám Iran mámleketlerinen 94 mıń tonna kartoshka import etildi.
Ministrliktiń maǵlıwmatına bola, fevral mart aylarında bahalar turaqlasıp, aprel-may aylarında bolsa jańa ónim bazarǵa shıǵıwı menen tómenlewi kútilmekte. 2025-jıldıń ónimi ushın 122 mıń gektar maydanǵa kartoshka egiw rejelestirilgen.

Qaraqalpaqstan xabar agentligi