Dúnyada baqlanıp atırǵan turaqsızlıq, ǵalabalıq tártipsizlikler hám keskinlikler bir qatar mámleketlerdiń tınıshlıǵına zıyan jetkerip, xalıqlardıń óz-ara doslıǵı hám tınıshlıǵına unamsız tásir kórsetip atırǵanı sır emes.

Usını inabatqa alıp, «Ózbekstan Respublikası Jınayat kodeksiniń 244-statyasına ózgeris kirgiziw haqqında»ǵı nızam islep shıǵılǵan.
Senattıń Qorǵanıw hám qáwipsizlik máseleleri komitetiniń májilisinde usı nızamdı dodalaw tiykarında ǵalaba tártipsizliklerge qol urıw maqsetinde oqıwdan ótkeni, ǵalaba tártipsizliklerdi qarjılandırǵanı ushın jınayıy juwapkershilik belgilenbekte.
Nızamnıń qabıl etiliwi ǵalaba tártipsizlikler menen baylanıslı ayırım háreketler ushın juwapkershilik ilajlarınıń kúsheytiliwi, bul túrdegi jınayatlardı profilaktikalaw mexanizmi jetilistiriliwin támiynleydi.
Bunnan tısqarı, májiliste «Ózbekstan Respublikasınıń Jınayat- atqarıw kodeksine jazanı orınlaw mákemelerinde jaza múddetin ótep atırǵan qamaqtaǵılar ushın aralıqtan video-ushırasıwlar ótkeriw imkaniyatın jaratıwǵa qaratılǵan ózgeris hám qosımshalar kirgiziw haqqında»ǵı nızam da kórip shıǵıldı.
Nızam menen sistemada zamanagóy málimleme-kommunikaciya texnologiyaların engiziw arqalı qamaqtaǵılardıń huqıqların jáne de keńeytiw, bul arqalı jınayat-atqarıw nızamshılıǵın xalıqaralıq normalarǵa muwapıqlastırıw maqset etilgen. Nızam qamaqtaǵılardıń huqıqları, erkinlikleri hám nızamlı máplerin qorǵaw, olardıń jaqın tuwısqanları menen aralıqtan turıp video-ushırasıwlar ótkeriwi ushın imkaniyat jaratıwǵa xızmet etedi.
Sonıń menen birge, Samarqand wálayatınıń Samarqand qalası, Samarqand hám Aqdárya rayonlarınıń shegaraların ózgertiw haqqındaǵı másele de dodalandı.
Atap ótilgenindey, Ministrler Kabinetiniń usınısına tiykarlarıp Samarqand rayonınan 170 gektar hám Aqdárya rayonınan 243 gektar jer maydanı Samarqand qalası quramına ótkeriliwi názerde tutılmaqta.
Májiliste qarar joybarı tiyisli mákan puqaralar jıyını, xalıq deputatları Samarqand qalalıq, Samarqand hám Aqdárya rayonlıq hám wálayatlıq keńeslerinde dodalanıp, shegaralardıń kartografiyalıq sızılması hám shegaralar sızıǵınıń klassifikaciyası maqullanǵanı atap ótildi.
Sonday-aq, qarar joybarında aymaqtıń shegaraların ózgertiw hám onda belgilengen wazıypalardı sistemalı ámelge asırıw maqsetinde Húkimetke kompleksli ilajlardı ámelge asırıw wazıypası júklenbekte.
Atap ótilgenindey, usı rayon hám qala shegaralarınıń ózgeriwi menen «Shirin» zamanagóy isbilermenlik orayı shólkemlestiriledi. Bul aymaqta 254 kóp qabatlı turaq jaylar, 19 isbilermenlik hám biznes orayları, 50 sociallıq taraw obyekteleri, 89 kewilashar hám sawda kompleksleri hám tariyxıy qala qurılıwı názerde tutılmaqta.
Dodalaw juwmaǵında tiyisli qararlar qabıl etildi.

Norgul ABDURAIMOVA, ÓzA