Malayziya telekanalarında Ózbekstanda diniy-aǵartıwshılıq tarawda ámelge asırılıp atırǵan reformalarǵa baǵıshlanǵan arnawlı filmniń prezentaciyası bolıp ótedi. Bunday joybar birinshi márte Imom Moturidiy xalıqaralıq ilimiy-izertlew orayınıń baslaması menen ámelge asırılmaqta.

Filmde Ózbekstannıń iri ilim hám mádeniyat orayı sıpatındaǵı bay tariyxı, sonday-aq, Prezident Shavkat Mirziyoevtiń baslaması menen diniy-aǵartıwshılıq tarawda ámelge asırılıp atırǵan túpkilikli reformalar, ullı oyshıl ilimpazlarımızdıń bay ilimiy-ruwxıy miyrasın tereń úyreniw hám keń túrde úgit-násiyatlaw boyınsha alıp barılıp atırǵan jumıslar, Jańa Ózbekstanda shólkemlestirilgen xalıqaralıq ilimiy izertlew oraylarınıń jumısı hám jetiskenlikleri haqqında gúrriń etiledi.
Film Ózbekstan hám Malayziya arasında ilimiy-mádeniy tarawdaǵı birge islesiwdi jáne de rawajlandırıwǵa, diniy-aǵartıwshılıq tarawdaǵı keń kólemli reformalar, unamlı ózgerisler, áhmiyetli nátiyje hám ilimiy jetiskenliklerdi malay jámiyetshiligi arasında keńnen úgit-násiyatlawǵa xızmet etedi.

ÓzA