30-31-yanvar kúnleri Nókis qalasındaǵı 1-sanlı sport mektebinde U-16 jaslar arasında futzal boyınsha «Sport mektepler ligası» turniri bolıp ótti.

Turnirde Nókis qalası hám rayonlardan 10 nan aslam komandalar qatnastı.
Eki kún dawam etken turnir juwmaǵında, respublikalıq qánigelestirilgen sport mektebi birinshi orındı jeńip alıwǵa miyasar boldı.
Final oyınında jeńimpaz komandaǵa 2:1 esabında jeńilip qalǵan Qońırat rayonı sport mektebi tárbiyalanıwshıları ekinshi orınǵa ılayıq dep tabıldı.
Al, úshinshi orın ushın bellesiwde Nókis qalası sport mektebin penaltiler seriyasında jeńip shıqqan Qaraózek rayonı sport mektebi komandasına nesip etti.
Jarıs sońında jeńimpaz komandalar shólkemlestiriwshiler tárepinen tayarlanǵan arnawlı diplom, kubok hám medallar menen sıylıqlandı.

Adilbay Orazov,
Qaraqalpaqstan xabar agentligi sholıwshısı