Jınayat isleri boyınsha Ámiwdárya rayonlıq sudınıń tergew sudyası D.Yusupova tárepinen sudya járdemshisi E.Jumaniyazovtıń xatkerliginde rayonlıq ishki isler bóliminiń májilisler zalında ashıq kóshpeli sud májilisi ótkerildi.
Onda ishki isler bólimi tárepinen usınıs etilgen 27 shaxstıń qarsısına toplanǵan 25 hákimshilik huqıqbuzarlıqqa baylanıslı isler kórip shıǵıldı.
Usı is materialları hár tárepleme úyrenilip, Ózbekstan Respublikası Hákimshilik juwapkershilik haqqındaǵı Kodekstiń 183-statyası (mayda biyzarılıq)nda kórsetilgen huqıqbuzarlıqtı islegen 3 shaxstıń hár birine 3 sutkadan 7 sutkaǵa shekem hákimshilik qamaq, 3 shaxsqa bazalıq esaplaw muǵdarınıń 3 esesi muǵdarında hákimshilik járiyma jazası tayınlandı.
Sonday-aq, Ózbekstan Respublikası Hákimshilik juwapkershilik haqqındaǵı Kodekstiń 59-prim 2-statyası (shańaraqlıq (turmıslıq) zorlıq islew), 61-statyası (az muǵdarda talan-taraj etiw ), 101-statyası 1-bólimi (elektr, ıssılıq energiyası, gazden paydalanıw qaǵıydaların buzıw), 189-statyası (pornografiyalıq ónimdi tayarlaw, alıp kiriw, tarqatıw, reklama etiw, kórsetiw)nda názerde tutılǵan huqıqbuzarlıqlardı islegen shaxslarǵa toplanǵan is materialları da kórip shıǵılıp, olarǵa bazalıq esaplaw muǵdarınıń 3 esesinen 20 esesine shekemgi muǵdarda hákimshilik járiyma jazası tayınlandı.

Qaraqalpaqstan xabar agentligi