Ankarada Túrkiya – Ózbekstan – Ázerbayjan úsh tárepleme mexanizm sheńberinde 2-ushırasıw bolıp ótti. Ilajda sırtqı isler, sawda-ekonomika hám transport ministrleri qatnastı.

Ázerbayjan sırtqı isler ministri Jayxun Bayramov Orta koridordı rawajlandırıw arqalı birge islesiw ushın qosımsha imkaniyatlarǵa iye bolıw múmkinligi haqqında sóz etti. Sonday-aq, jáne de keńirek region, atap aytqanda Jaqın Shıǵıs hám Awǵanstanda tınıshlıq, qáwipsizlik hám rawajlanıwdı qollap-quwatlaw ushın bar imkaniyattan paydalanıw zárúr ekenligin atap ótti.
Túrkiya SIM basshısı Xoqon Fidan sheriklikti bekkemlew ushın jol kartası tayarlanıp atırǵanın málim etti.
Sol kúni Prezident Rejep Tayyip Еrdoǵan Ózbekstan hám Ázerbayjan sırtqı isler ministrleri Baxtiyor Saidov hám Jayxun Bayramovti qabıl etti.
Ushırasıwda ekonomika, sawda hám transport ministrleri de qatnasqan.
Sırtqı siyasat uyımları basshılarınıń shıǵıp sóylewi dawamında tómendegi máseleleri dodalandı:
Еnergetika tarawında birgeliktegi joybarlar;
Qabıl etilgen «Jol kartası» tiykarında transport tarawında úsh mámlekettiń qatnasıwında bir qatar birgeliktegi baslamalar;
Orta koridor Aziya hám Evropa arasındaǵı sawdanıń eń isenimli hám ekonomikalıq koridorı sıpatında;
Siriyanıń turaqlılıǵı hám rawajlanıwı regionallıq turaqlılıq hám qáwipsizlik girewi bolıp, logistika, transport, sawda hám energetika tarawlarında jańa imkaniyatlar ashadı;
Úsh tárepleme mexanizmdiń úshinshi májilisi Bakude bolıp ótedi.
Mámleketimiz wákili B.Saidov tómendegi usınıslardı bildirdi:
Trans Awǵan temir jolı global támiynat shınjırınıń bir bólegine aylanadı;
Úsh mámleket arasındaǵı birge islesiw jańa transport jollarınıń jaratılıwına xızmet etedi.
Ushırasıw juwmaǵında qol qoyılǵan Ankara deklaraciyası, sonıń ishinde, tómendegilerdi názerde tutadı:
Еkonomika, sawda, investiciya, logistika, infrastruktura, sanlastırıw, qorshaǵan-ortalıq hám klimat ózgeriwi sıyaqlı áhmiyetli tarawlarda tolıq potencialdı ashıw minnetlemesi;
Orta koridordıń nátiyjeliligi hám básekige shıdamlılıǵın arttırıwǵa shaqırıw; Oraylıq Aziyada turaqlılıqtı támiyinlewdiń tiykarǵı faktorı esaplanǵan Awǵanstan qáwipsizligi hám rawajlanıwına TMSh sheńberinde birden-bir process áhmiyetli ekenligin atap ótiw;
Gaza sektorında óq atıwdı toqtatıw haqqındaǵı daǵazanı alǵıslap, kelisimge ámel etiliwin talap etiw.

S.Rahimov, ÓzA