Ózbekstan Mámleketlik kórkem óner hám mádeniyat institutı Nókis filialında “Deputat hám jaslar” atamasında ushırasıw shólkemlestirildi.

Onda Oliy Majlis Nızamshılıq palatasınıń deputatı Shahnoza Joldasova, ÓzMTDP Qaraqalpaqstan Respublikası Keńesiniń wákilleri hám filialdıń belsendi student-jasları qatnastı.
Ushırasıwda “Ózbekstan – 2030” strategiyası hám onnan kelip shıǵıp ámelge asırılatuǵın jumıslar, sonday-aq, sońǵı waqıtlarda mámleketimizde qabıl etilip atırǵan párman hám qararlardıń jaslar turmısında tutqan ornı, áhmiyeti haqqında keń maǵlıwmatlar berildi.
Oliy Majlis Nızamshılıq palatasınıń deputatı Sh.Joldasova jaslar arasında milliy qádiriyatlar, ózligimiz hám maqtanıshımız, Watanǵa sadıqlıq túsiniklerin úgit-násiyatlaw – partiyanıń tiykarǵı wazıypalarınıń biri ekenligin atap ótti.
Ilaj dawamında deputat filialdaǵı student-jaslar ushın jaratılǵan sharayatlar menen tanısıp, jaslar ózlerin qızıqtırǵan sorawlarına juwap aldı.

Qaraqalpaqstan xabar agentligi.