Usı jıl 28-yanvardaǵı PP-13-sanlı párman menen Prezidenttiń 2018-jıl 29-iyundaǵı PQ-3818-sanlı qararına ózgeris kirgizildi.

Oǵan bola, 3004 (tovardıń sırtqı ekonomikalıq jumısın tovarlar nomenklaturası boyınsha kodı) poziciyasındaǵı tovarlar ushın 2 procent muǵdarında bajı engiziw belgilendi. Ámelde bul 0 procent dárejesinde edi.
Bul kategoriyaǵa terapevtlik yaki profilaktikalıq maqsetlerde paydalanıw ushın aralas yaki aralaspaǵan ónimlerden quralǵan, dozalanǵan dári túrinde qadaqlanǵan (sonıń ishinde transdermal sistemalar usılındaǵı dári quralları) yaki usaqlap satıw ushın usıl yaki qadaqlanǵan dári quralları kiredi. Buǵan 3002, 3005 yaki 3006 tovar poziciyaları tovarları kirmeydi.
Tovarlardı sıpatlaw hám kodlawdıń úylesikli sistemasına («HS Code») bola, 3004 kodına kiriwshi preparatlar sıpatında tómendegiler názerde tutıladı:
-tayar usıldaǵı antibiotikler;
– awırıw qaldırıwshı hám zaqımlanıwǵa qarsı dáriler;
-virusqa qarsı preparatlar;
-gormonal dári quralları;
-kardiologiyalıq preparatlar;
– qantlı diabetke qarsı dáriler;
– antigistamin preparatlar;
-isikke qarsı qurallar;
-dári quralları statusına iye vitaminler hám biologiyalıq qosımshalar. 3004 kodına kirmeytuǵın preparatlar:
– sarı suw, vakcinalar hám qan preparatları (3002)
-dári plastirleri hám baylawshı materiallar (3005);
-kontrast elementler hám diagnostikalıq reaktivler (3006).
Bunda 3004 aqırǵı tutınıwshıǵa mólsherlengen dári quralların bajıxana rásmiylestiriwinen ótkeriwde qollanıladı (3003 kodı astında júrgiziletuǵın farmacevtikalıq substanciyalardan ózgeshe túrde.)-dep málimleme beredi xabar.uz saytı.

Qaraqalpaqstan xabar agentligi