Oliy Majlis Nızamshılıq palatasınıń deputatı N.Rashidovanıń respublikamızda saylawshılar menen ushırasıwları bolıp ótpekte.
Deputat Respublika qánigelestirilgen onkologiya hám radiologiya ilimiy-ámeliy orayı Qaraqalpaqstan Respublikası filialında bolıp, medicina mákemesiniń xızmeti menen jaqınnan tanıstı.
Bıyılǵı jılı Ózbekstan «Adolat» SDP Oliy Majlis Nızamshılıq palatasındaǵı frakciyası aǵzaları sociallıq tarawdıń rawajlanıwı menen baylanıslı usınıslardı alǵa qoyıwǵa qaratılǵan anıq baslamalardı ámelge asırıwdı maqset etken.
Solardıń qatarında Aralboyı aymaǵında jasawshı xalıqtıń arasında óspe kesellikleriniń aldın alıw hám kesellikti erte anıqlaw –selektiv skrining profilaktika xızmetin shólkemlestiriw boyınsha usınıs tayarlaw máselesi úlken áhmiyetke iye.
Deputat úyreniw jumısları dawamında onkologiyalıq keselliklerdiń aldın alıw hám erte anıqlaw boyınsha taraw qánigeleriniń pikir-usınısların tıńlap bul jumıslardı jáne de jetilistiriw zárúrligin atap ótti.
Qaraqalpaqstan xabar agentligi