Mámleketlik tildi rawajlandırıw departamenti baslıǵı tárepinen usı jıldıń 15-yanvarında ótkerilgen májiliste berilgen tapsırmalarǵa muwapıq, orınlarda dúzilgen jumısshı toparlar reklama jazıwlarınıń durıslıǵın úyrenbekte.

2025-jılǵa mólsherlengen ilajlar rejesinde belgilengen wazıypalardıń orınlanıwın támiyinlew maqsetinde Kegeyli rayonında dúzilgen jumısshı topar hám ÓzLiDeP deputatlar toparı tárepinen banner islep shıǵaratuǵın isbilermenlik subyektleri hám sırtqı reklama jazıwları úyrenildi.
Ilaj dawamında Kegeyli rayonındaǵı banner islep shıǵaratuǵın “Kegeyli banner”, “ASA PRINT NUKUS” isbilermenlik subyektleri menen sáwbetlesiw alıp barıldı.
Bul isbilermenler menen banner shıǵarıwda mámleketlik tilde jazıw kereke ekenligi hám imla qátelerisiz latın álipbesinde jazılıwı, sonday-aq, nızam talaplarına ámel etiliwin támiyinlew kerekligi boyınsha túsinik jumısları alıp barıldı.

Qaraqalpaqstan xabar agentligi