Qazaqstan Еnergetika, Qarjı hám Ishki isler ministrlikleriniń Milliy qáwipsizlik komiteti birgeliktegi buyrıǵı tiykarında ishki bazarda payda bolǵan jetispewshiliktiń aldın alıw maqsetinde temir jol arqalı benzin hám dizel janılǵısın basqa mámleketler, sonıń ishinde Evroaziya ekonomikalıq awqamı mámleketlerine eksport etiwdi qadaǵan etti.

Usı múnásibet penen járiyalanǵan hújjette atap ótilgenindey, qadaǵan etiw 29-yanvardan engiziledi hám 29-martqa shekem ámel etedi. Nızamǵa muwapıq, aldınnan rejelestirilgen jetkerip beriw, sonday-aq, gumanitarlıq járdem yamasa ayrıqsha jaǵdaydı saplastırıw ushın mólsherlengen janılǵıǵa qaraǵanda basqasha jaǵdayı qollanılıw tártibi saqlanıp qalǵan.
2024-jılı sentyabr ayınıń aqırında avtotransport qurallarınıń bakindegi muǵdardan tısqarı benzin hám dizel janılǵısın respublikadan alıp shıǵıw altı ay múddetke qadaǵan etilgen edi. Bul qarar mart ayınıń aqırına shekem ámel etedi.
Húkimet 2025-jılı janılǵı quyıw shaqapshalarında aldın tártipke salınǵan bahanı erkinlestire basladı. Еnergetika ministrligi buyrıǵı joybarı hám usı hújjet qosımshasında qońsı mámleketlerde benzin hám dizel janılǵısı salıstırmalı qımbat ekenligi sebepli, ónimniń mámleketten nızamsız shıǵıp ketiwiniń aldın alıw maqsetinde, tiyisli qarar kúshke kiretuǵını kórsetildi. Bunnan tısqarı bahanı qadaǵalaw janılǵı islep shıǵarıwshılarǵa óndiris quwatlılıǵın modernizaciyalaw ushın jeterli dáramat alıw imkaniyatın bermeydi.
28-yanvar kúni usı máselede bolıp ótken baspasóz ánjumanında energetika ministri Almasadam Satkaliev bahanı tártipke salıw biykar etiliwi múnásibeti menen fevral ayında janılǵı quyıw shaqapshalarında usaqlap satıw bahasınıń artıwı múmkinligin málim etti. Ol húkimet bahası keskin artıwına jol qoymaytuǵının atap ótip, baha hesh bolmaǵanda Rossiya menen teńlesiwi kútilip atırǵanın ayttı.

S.Rahimov, ÓzA