Búgingi kúnde “Hududgaz Qaraqalpaqstan” gaz támiynatı filialı tárepinen jeke xojalıqlardı suyılttırılǵan gaz benen támiyinlew boyınsha bir qatar ilajlar ámelge asırılmaqta.

Qaraqalpaqstan Respublikası boyınsha házirgi kúnde 99 mıń 590 jeke xojalıq hám 121 mektepke shekemgi bilimlendiriw shólkemleri suyılttırılǵan gazden paydalanıwǵa beyimlestirilgen.
Bul kórsetkish ulıwma xojalıq sanınıń 31 procentin quraydı. Usı suyılttırılǵan gazden paydalanıwshılardı óz waqtında gaz ballonlar menen támiyinlep barıw ushın bir orında Nókis suyıltırılǵan gaz toltırıw stanciyası, sonday-aq, tórt orında – Ámiwdárya, Beruniy, Qońırat hám Shımbay rayonlarında gaz toltırıw shaqapshaları islep turıptı.
Nókis gaz toltırıw stanciyası arqalı tiykarınan Taqıyatas, Xojeli, Kegeyli, Bozataw hám Nókis rayonlarındaǵı tutınıwshılarǵa xızmet kórsetiledi.
Ótken 2024-jıl dawamında Nókis suyılttırılǵan gaz toltırıw stanciyası arqalı tutınıwshılarǵa 16 mıń 521 tonna suyılttırılǵan gaz jetkerip berilgen.

Qaraqalpaqstan xabar agentligi.