Ózbekstan Respublikası Еnergetika bazarın rawajlandırıw hám tártipke salıw agentliginde Mongoliya delegaciyası menen ushırasıw bolıp ótti.

Onda tárepler keyingi jıllarda tarawda ámelge asırılıp atırǵan reformalar, atap aytqanda, elektr energetikası tarmaǵın tártipke salıw, bazar mexanizmlerin engiziw hám tarawǵa jeke menshik sektordı tartıw máselelerin dodaladı.
Sonday-aq, ushırasıwda agentlik direktorı Sherzod Xwjaev Ózbekstanda energetika bazarın liberallastırıw hám tarawǵa jeke menshik investiciyalardı tartıw boyınsha ámelge asırılıp atırǵan reformalar haqqında maǵlıwmat berdi.
Atap ótilgenindey, Mongoliya delegaciyasınıń saparı ERTB járdeminde shólkemlestirildi. Bunnan gózlengen maqset bolsa qayta tiklenetuǵın energetikaǵa investiciya kirgiziw hám tenderler ótkeriw boyınsha Ózbekstan tájiriybesin úyreniwden ibarat bolıp esaplanadı.
Sóylesiw waqtında Mongoliya tárepi Ózbekstanda energetika tarawında ámelge asırılıp atırǵan reformalar mámleket ushın áhmiyetli ekenin atap ótip, tájiriybe almasıwdı dawam ettiriwge tayar ekenligin bildirdi.
Ushırasıw juwmaǵında tárepler óz-ara birge islesiwdi bekkemlewge kelisip aldı.

N.Ziyodullaeva, ÓzA