Húkimettiń usı jıl 29-yanvardaǵı tiyisli qararı menen «Tutınıw hám texnikalıq etil spirti, alkogol ónimlerin islep shıǵarıw, ıdıslarǵa quyıw, saqlaw hám kótere satıwdı esapqa alıw hám qadaǵalaw tártibi haqqında»ǵı Reje tastıyıqlandı.

Usı Rejege tiykarlanıp, islep shıǵarılǵan tutınıw hám texnikalıq etil spirti hám alkogol ónimlerin esapqa alıw, tutınıw hám texnikalıq etil spirti, alkogol ónimlerin saqlaw, tasıw hám kótere satıw esabın júrgiziw, tutınıw hám texnikalıq etil spirti hám alkogol ónimlerin islep shıǵarıw, quyıw, saqlaw hám kótere satıwdı qadaǵalaw sıyaqlı wazıypalar belgilendi.
Reje talapları tómendegilerge engiziledi:
– tutınıw hám texnikalıq etil spirti, alkogol ónimlerin islep shıǵarıw menen shuǵıllanatuǵın Ózbekstan rezidentleri esaplanǵan yuridikalıq táreplerge;
– tutınıw hám texnikalıqa etil spirti hám alkogol ónimleri ushın texnikalıqalıq reglamentte názerde tutılǵan ónimlerge.
Alkogol ónimlerin sırt elde islep shıǵarılǵan tutınıw etil spirti hám texnikalıq etil spirtinen paydalanǵan halda islep shıǵarıw qadaǵan etiledi.
Alkogol ónimlerin islep shıǵarıwshı subyektler (kárxanalar) óndiristiń barlıq basqıshlarında texnikalıq jaqtan tártipke salıw tarawındaǵı normativlik hújjetlerge muwapıq mikrobiologiyalıq, fizikalıq-ximiyalıq hám texnologiyalıq qadaǵalawdı ámelge asırıwı shárt.
Tutınıw hám texnikalıq etil spirti, alkogol ónimlerin islep shıǵarıw kóleminiń esabın júrgiziw ónim islep shıǵarıw ushın zárúr bolǵan tiykarǵı shiyki zatlardıń kirisinen baslap, tayar ónimlerdi saqlaw qoymaxanalarına jaylastırıw hám realizaciya law processlerin qamtıp alıwı zárúr.

Muhayyo Toshqoroeva, ÓzA