Prezident Shavkat Mirziyoev 30-yanvar kúni Tashkent qalasındaǵı Islam Kárimovtıń esteligine gúlsheńber qoydı.

Máresimge Oliy Majlis palataları, Prezident Administraciyası hám húkimet wákilleri, zıyalılar, qala jámiyetshiligi toplandı.
Bul el-jurtqa xızmet umıtılmaytuǵınan, hámiyshe ulıǵlanatuǵınınan derek beredi. Shavkat Mirziyoevtiń itibarı menen Birinshi Prezidentimizdiń esteligi máńgilestirildi, ol insan tuwılǵan 30-yanvar sánesi hár jılı belgilenetuǵın boldı. Tashkentte ilimiy-aǵartıwshılıq estelik kompleksi shólkemlestirildi. Samarqandqa saparı waqtında Islam Kárimovtıń maqbarasın zıyarat etiw jaqsı dástúrge aylandı.
Bul keyingi áwladlar ushın da órnek hám úlgi bolıp tabıladı. Máresimde áne, usınday húrmet hám awızbirshiliktiń úlgisi kórsetildi. Quran ayatları oqılıp, pátiya etildi. Birinshi Prezidentimizdiń xalıqtıń mápleri jolında islegen isleri, pazıyletleri eske alındı.
Usınday ilaj Samarqand hám Qarshı qalasında da ótkerildi.

ÓzA