Anqarada Ózbekstan, Túrkiya hám Ázerbayjannıń sırtqı isler, sawda-ekonomika hám transport ministrleriniń qatnasıwında úsh tárepleme ushırasıw bolıp ótti.

Ekinshi márte shólkemlestirilgen bul májiliste Ózbekstannıń atınan sırtqı isler ministri Baxtiyor Saidov, investiciyalar hám sawda ministri Laziz Qudratov hám transport ministri Ilhom Mahkamov qatnastı.
Ilajda sırtqı siyasat, regionallıq, sawda-ekonomikalıq hám investiciyalıq sheriklik kólemin keńeytiw, kóp tarmaqlı transport sistemasın rawajlandırıw hám kommunikaciya tarawındaǵı birge islesiwdi tereńlestiriw máseleleri kóterildi.
Ministrler kún tártibindegi temalar boyınsha bayanat jasadı.
Bunday formattaǵı ushırasıwlardıń birinshisi 2022-jıl 2-avgust kúni Tashkent qalasında ótkerilgen edi. Úsh tuwısqan mámleket zamanagóy jemiriwler sharayatında Aziya hám Evropanı baylanıstıratuǵın tariyxıy Jipek jolı boylap baylanıslardı bekkemlewshi joybarlardı dodalaw ushın ulıwmalıq platforma dúzgen.
Májiliste bajıxana ámeliyatı hám nızamshılıǵın úylestiriw, elektron xızmetten jáne de keńirek paydalanıw, nátiyjeli hám óz-ara payda principine tiykarlanǵan sawda jolındaǵı tosqınlıqlardı basqıshpa-basqısh saplastırıw máselelerine de ayrıqsha itibar qaratıldı.
Forum sheńberinde mámleketimiz sırtqı siyasat uyımınıń basshısı Ázerbayjan Respublikası sırtqı isler ministri Jeyxun Bayramov penen ushırasıw da ótkerdi. Sóylesiw dawamında óz-ara qatnasıqlar, sonıń ishinde kóp táreplemeli birge islesiwdi keńeytiw imkaniyatı, regiondaǵı házirgi jaǵday dodalandı.

Wtkir Alimov, ÓzA