Qaraqalpaqstan Respublikası prokuraturası tárepinen tariyxıy estelikler tarawına baylanıslı jumıs hám nızam hújjetleriniń orınlanıwı turaqlı qadaǵalawǵa alınǵan.

Tariyxıy esteliklerdi saqlaw hár qanday jámiyettiń mádeniy hám aǵartıwshılıq miyrasın keleshek áwladlarǵa jetkeriwdegi áhmiyetli wazıypalardan biri bolıp esaplandı.
Moynaq rayonında onnan aslam, Qońırat rayonında eliwden aslam mádeniy miyras obyekti qatarına kirgizilgen tariyxıy hám dıqqatqa ılayıq orınlar bar. Qaraqalpaqstan Respublikası prokurorınıń orınbasarı Sh. Muhamatov basshılıǵındaǵı jumısshı topar usı mádeniy miyras obyektleriniń saqlanıw jaǵdayın úyrendi.
Úyreniw nátiyjesinde aymaqlardaǵı mádeniy miyras obyektleri hám basqa tariyxıy imaratlardı tiyisli taraw qánigelerin keńnen tartqan halda, tolıq xatlawdan ótkeriletuǵını atap ótildi. Olardıń tariyxıy áhmiyetin belgilew, dizimin jańalaw hám turizm potencialınan nátiyjeli paydalanıw boyınsha ámelge asırılıwı kerek bolǵan wazıypalar belgilendi.

ÓzA