Qaraqalpaqstan Respublikasında investiciya joybarların jedellestiriw, eksportshı kárxanalarǵa ámeliy járdem kórsetiw, ushırasıp atırǵan mashqalalardı saplastırıw hám jańa usınıslar islep shıǵıw maqsetinde isbilermenlik subyektleri menen ushırasıw bolıp ótti.

Ushırasıwda Ózbekstan Respublikası Bas ministriniń orınbasarı – Húkimetlik komissiya baslıǵı Jamshid Xodjaev, Biznes-ombudsman Dilmurod Kasimov, Qaraqalpaqstan Respublikası Ministrler Keńesiniń Baslıǵı Farxod Еrmanovlar qatnasıp, isbilermenlerdiń usınıs hám múrájatların tıńladı. Sonday-aq, ilaj dawamında isbilermenler tárepinen kórsetilgen máseleler, atap aytqanda, investiciya joybarların ámelge asırıwdaǵı tosqınlıqlar, eksport jumısındaǵı mashqalalar, mámleketlik uyımlar menen birge islesiwdegi qıyınshılıqlar hám basqa da áhmiyetli máseleler hár tárepleme dodalandı.
Ushırasıwda Biznes-ombudsman tárepinen isbilermenlerdiń múrájatları boyınsha jedel ilajlar kóriw, huqıqıy másláhátler beriw hám ámeliy járdemler kórsetiw boyınsha kórsetpeler berilip, mashqalalı máselelerdi sheshiw ushın juwapker shólkemler hám basqarmalar menen birgelikte jumıs alıp barıw belgilep alındı.

Qaraqalpaqstan xabar agentligi