2024-jılı Ózbekstanda elektron xızmetler kórsetiwshi 63 sırt el kompaniyası jámi 115,8 milliard sum salıq tóledi. Bul kórsetkish 2023-jılǵa qaraǵanda 1,5 esege kóp.
Salıqlardıń 99,9 procenti onlayn xızmet usınıwshı iri 10 sırt el kompaniyasınıń úlesine tuwra keledi. Bulardan eń kóp tólem ámelge asırǵanlar «Meta» (41,7 mlrd), «Google» (29 mlrd) hám «Apple» (27,3 mlrd) bolıp qalmaqta.
Olardan keyingi orınlar tómende keltirilgen:
«Amazon» – 4,1 milliard sum;
«Booking.com» – 3,6 milliard sum;
«Netflix» – 1,4 milliard sum;
«Zoom» – 1,4 milliard sum;
«Assa» – 1,2 milliard sum;
«Xsolla» – 966,7 million sum.
Itibarlı tárepi sonda, mámlekette bloklanǵanına qaramastan, «TikTok» da 903 million sum salıq tólemin ámelge asırdı. Ol 2021-jıldıń iyul ayında «Jeke maǵlıwmatlar haqqında»ǵı nızamdı buzǵan dep tabılǵan edi.
Qaraqalpaqstan xabar agentligi