2024-jıldıń yanvar-dekabr aylarında temir jol transportınan 9 million 803,6 mıń jolawshı paydalanǵan. Bul haqqında Statistika agentligi maǵlıwmat berdi.

Agentlik maǵlıwmatlarına bola, bul kórsetkish 2023-jıldıń usı dáwirine salıstırǵanda 177,1 mıń jolawshıǵa kóbeygen. Sol sebepli, ósiw páti 101,8 procentti quradı.
Temir jol transportınan paydalanıwshı jolawshılardıń sanı sońǵı 4 jılda turaqlı túrde artıp barǵanlıǵın kóriw múmkin ekenligin atap ótiwimiz kerek.
Sonıń ishinde, 2020-jılı 6 million 155,3 mıń, 2021-jılı 7 million 949,4, 2022-jılı 9 million, 2023-jılı 9 million 626,5 mıń jolawshı mánziline jetip alıw maqsetinde temir jol transportın tańlaǵan,dep málimleme beredi xs.uz saytı.

Qaraqalpaqstan xabar agentligi