Ózbekstan Respublikası Bas ministriniń orınbasarı – ekonomika hám qarjı ministri Jamshid Qwchqorov hám Ullı Britaniyanıń «Standard Chartered» bankiniń bas atqarıwshı direktorı Saif Malik arasında ushırasıw bolıp ótti.
Sóylesiw waqtında infrastruktura joybarların keńeytiw, elektr tarmaqların modernizaciyalaw, mámleketlik-jeke menshik sheriklik baǵdarları sheńberindegi baslamalardı ámelge asırıw hám mámleket qatnasıwındaǵı kárxanalardı transformaciyalaw máseleleri dodalandı.

Tárepler Ózbekstan bankleri menen birge islesiwdi rawajlandırıw, kishi hám orta biznes jáne awıl xojalıǵın qarjılandırıwda bank sistemasınıń áhmiyeti boyınsha pikir alıstı.
Sonday-aq, energetika tarawında birge islesiwdi kúsheytiw, qayta tikleniwshi energiya dereklerinen nátiyjeli paydalanıw, «jasıl» ekonomika hám IT tarawın rawajlanıdırıw baǵdarında usınıslar kórip shıǵıldı.
Ministrliktiń málimleme xızmetine bola, «Standard Chartered» banki 60 tan aslam mámlekette jumıs júrgizip, tiykarınan Aziya, Afrika hám Jaqın Shıǵıs bazarlarına itibar qaratadı. Bank sawda hám investiciyalar, korporativ hám jeke bank xızmetlerin kórsetiw menen birge, «jasıl» obligaciyalar shıǵarıw hám ekologiyalıq joybarlardı qarjılandırıwda da qatnasadı.
Ushırasıw juwmaǵında tárepler óz-ara birge islesiwdi bekkemlew hám pikir alısıw processlerin dawam ettiriwge kelisip aldı.

N.Ziyodullaeva, ÓzA