Ótken háptede Franciyadaǵı belgili Luvr muzeyiniń direktorı Lorans de Kar mámlekettiń mádeniyat ministri Rashida Datiǵa xat jollap, kopleks jaman awhalǵa kelip qalǵanınan shaǵım etken. Xatta «ayırım xanalar oǵada jaman jaǵdayda» ekeni atap ótilgen. Usı múnásibet penen Prezident Еmmanuel Makron 28-yanvar kúni jeke ózi Luvrǵa barıp, muzey restavraciyalanatuǵının bildirdi.

«The Guardian»nıń jazıwınsha, jetekshi komplekste ayırım ózgerisler ámelge asırılıwın málim etti.
– Luvr keńeytiledi, – degen Franciya basshısı. – Mádeniyat ministrligi qurılıstı rejelestiriw joybarına 10 million evro investiciya kirgizedi. Perro kolonnadası arqalı jańa keń kiriw jolı ashıladı. Leonardo da Vinchiniń «Monna Liza» polotnosı arnawlı orınǵa kóshirilip, kartinanı basqa kollekciyalardan ayrıqsha tamasha etiw imkaniyatı jaratıladı.
Bunnan tısqarı Prezident ministr Rashida Datidan EA quramına kirmeytuǵın mámleketlerden kelgenler ushın ulıwma joqarı, differenciyalanǵan baha engiziwdi soradı. Bilet turlarınıń jańa bahası 2026-jıl 1-yanvardan engiziledi.
Jańalanǵannan keyin Luvr jılına 12 million tamashagóydi qabıl etiw imkaniyatına iye boladı. 2024-jılı muzeyge derlik 9 million adam barǵan.

ÓzA