2025-jıl 1-aprelden Ózbekstanda elektr hám gaz ushın Ministrler Kabineti tárepinen tastıyıqlanǵan jańa tarifler kúshke kiredi.

Bul qarar infrastrukturanı modernizaciyalaw hám energiya quwatlılıǵın arttırıw zárúr ekenligi menen túsindirilgen. Kompaniya wákilleriniń sózlerine bola, janılǵı hám neft ónimleriniń bahası artqanına qaramastan, 2018-jıldan berli elektr energiyası tarifleri qayta kórip shıǵılmaǵan edi.
AЕT departamenti direktorınıń orınbasarı Diyor Nishonov eskirgen transformatorlardı almastırıw hám podstanciyalardıń quwatlılıǵın arttırıw ushın qosımsha qarjılar kerek ekenligin atap ótti.
Sonday-aq, Senat májilisinde Bas ministrdiń orınbasarı Jamshid Quchqorov tarifler arttırılıwına qaramastan, energiya ushın mámleketlik subsidiyalar 2027-jılǵa shekem dawam etetuǵının, keyin bolsa, basqıshpa-basqısh qısqartılatuǵının bildirgen.
Еlektr pechkaları ornatılǵan kóp qabatlı turaq jaylarda jasawshı turmıslıq tutınıwshılar ushın tarifler tómendegishe boladı:
200 kVt/saatqa shekem: 300 sum (aldıńǵı 225 sum);
201 den 1000 kVt/ saatqa shekem: 500 sum;
1001 den 5000 kVt/ saatqa shekem: 750 sum;
5001 den 10 000 kVt/ saatqa shekem: 875 sum;
10 000 kVt/saattan aslam: 1000 sum.
Basqa turmıslıq tutınıwshılar ushın:
200 kVt/saatqa shekem: 600 sum (aldıńǵı 450 sum);
201 den 1000 kVt/saatqa shekem: 1000 sum;
1001 den 5000 kVt/saatqa shekem: 1500 sum;
5001 den 10 000 kVt/ saatqa shekem: 1750 sum;
10 000 kVt/saattan aslam: 2 000 sum.
IV topar tutınıwshılar ushın tarif 900 sumnan 1000 sumǵa arttırıladı.
1 kub metr tábiyǵıy gazdiń bahası da artadı:
Turmıslıq tutınıwshılar ushın: 500 kub metrge shekemgi kólem ushın 1000 sumǵa shekem (aldıńǵı 650 sum);
500 den 2500 kub metrge shekemgi kólem ushın: 1800 sum;
10 000 kub metrden asqanına: 3 000 sum.
Suyılttırılǵan gazdiń bir kilogrammı 2000 sum boladı,- dep málimleme beredi xs.uz saytı.

Qaraqalpaqstan xabar agentligi