Ózbekstan hám Túrkmenstan Sırtqı isler ministrlikleriniń gezektegi ushırasıwında mámleketlerimiz arasındaǵı qatnasıqtı bekkemlewge qaratılǵan eki áhmiyetli hújjetke qol qoyıldı. Bul haqqında SIM baspasóz xızmeti xabar berdi.
Mámleketimizdiń sırtqı siyasat uyımınıń basshısı Bahtiyor Saidov hám Túkmenstan Ministrler keńesi baslıǵınıń orınbasarı, sırtqı isler ministri Rashid Meredovtiń qatnasıwında ótken sóylesiwler juwmaǵında 2025-2026-jıllarǵa mólsherlengen Birge islesiw baǵdarlaması, sonday-aq, shártnamalıq-huqıqıy bazanı inventarizaciyalaw hám jetilistiriwge tiyisli hújjet tastıyıqlandı.
Sóylesiw dawamında xalıqaralıq shólkemler sheńberinde bir-biriniń kondidaturasın qollap-quwatlaw haqqındaǵı verbal nota da almastı.
Bul háreketler óz-ara paydalı birge islesiwdi jáne de rawajlandırıw, doslıq baylanısların bekkemlewge bolǵan ulıwmalıq umtılıstı kórsetedi.

ÓzA