Shańaraqtaǵı tınıshlıq, awızbirshilik watan ishinde kishkene watannıń qáliplesiwine tiykar jaratadı. «Bir balaǵa jeti máhálle ata-ana» degenindey, ata-ana, qońsı-qoba bári jám bolıp, watanımızǵa xızmet etetuǵın tárbiyalı, bilimli ul-qızlardıń qáliplesiwine xızmet etip, máhállelerde alıp barılıp atırǵan iygilikli isler bul baǵdardaǵı jumıslardıń nátiyjesin júzege shıǵaradı.

Nókis rayonı sektor basshılarınıń qatnasıwında «Aqmańǵıt» posyolkalıq puqaralar jıyını imaratında huqıqbuzarlıqlardıń erte aldın alıw, máhállelerde qáwipsiz ortalıqtı jaratıw baǵdarındaǵı máseleler kóshe biyleri hám máhálle jetiligi menen birgelikte dodalandı.
Ózbekstan Respublikası Prezidentiniń 2025-jıl 3-yanvardaǵı «Respublikamız máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da jetilistiriw boyınsha ilajlar haqqında» ǵı qararınıń mazmun-mánisi túsindirildi.
Sonday-aq, «Aqmańǵıt» PPJ profilaktika inspektorı hám milliy gvardiya xızmetkerleri tárepinen 2025-jıl dawamında huqıqbuzarlıq hám jınayatshılıqtıń aldın alıw boyınsha is-rejeleri tıńlanıp, tiyisli wazıypalar belgilendi.

Qaraqalpaqstan xabar agentligi