26-yanvar kúni Tashkent qalasında Ǵárezsiz Mámleketlerdiń Doslıq awqamı (ǴMDA) sheńberinde shólkemlestirilgen “Pidayı xızmetleri ushın” xalıqaralıq ilimiy-ámeliy tańlawınıń sıylıqlaw máresimi bolıp ótti.

Usı ilajda mámleketimizdiń xalıqaralıq maydandaǵı abırayın kóteriwge, mártebesin arttırıwǵa múnásip úlesin qosıp atırǵan, watanımızdıń jámiyetlik -siyasiy turmısında belsene qatnasqanı, pidayı miynet etiwi hám turmıslıq tájiriybe kónlikpeleri menen jaslarǵa órnek bolıp kiyatırǵan bir topar taraw wákillerine estelik sawǵalar tapsırıldı. Usı xalıqaralıq tańlawda Nókis rayonı hákimligi joybarlar menedjeri Aziz Qaypov ta belsene qatnasıp, «Pidayı xızmetleri ushın» estelik belgisi hám bahalı sawǵa menen sıylıqlandı.

Qaraqalpaqstan xabar agentligi