Jınayat isleri boyınsha Qońırat rayonı sudınıń tergew sudyası B.Aymuratovtıń basshılıǵında Qońırat rayonındaǵı Jaslar orayı imaratında kóshpeli ashıq sud májlisi bolıp ótti.

Onda hákimshilik huqıqbuzarlıq islegen jámi 11 shaxstıń qarsısına toplanǵan hákimshilik is materialları kórip shıǵıldı.
Jámi 7 shaxstıń qarsısına hákimshilik qamaq jazası, 3 shaxstıń qarsısına hákimshilik járiyma jazası qollanılıp, 1 shaxstıń qarsısındaǵı hákimshilik is kem áhmiyetli dep tabılǵanı ushın oǵan Hákimshilik juwapkershilik haqkındaǵı Kodekstiń 21-statyası qollanılıp eskertildi.
Bunnan soń, tergew sudyası B.Aymuratov tárepinen Qońırat rayonı aymaǵında júz berip atırǵan huqıqbuzarlıqlar hám olardıń aldın alıw, qabıl etilip atırǵan jańa nızamshılıqlar hám ózgerisler boyınsha ilaj qatnasıwshılarına keń túrde túsinikler berildi.
Qatnasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi.