Qubla Koreya prokuroturası Prezident Yun Sok Yolǵa qarsı rásmiy túrde ayıplaw járiyaladı. Bul haqqında «Yonhap» agentligi xabar berdi. Mámleket jetekshisi mámleketlik strukturaǵa qarsı bas kóteriwde gúmanlanbaqta. Boljawlarǵa qaraǵanda, ol nızamshılar áskeriy jaǵday járiyalanıwına qarsı dawıs beriwge jol qoymaw ushın parlamentke ásker jibergen bolıwı múmkin.
Yun Sok Yol Koreya Respublikasınıń qamaqqa alınǵan birinshi prezidenti bolıp tabıladı. Bul waqıya Milliy assambleya 2024-jıl 14-dekabrde Prezidenttiń bosatılıwın talap etkennen keyin júz berdi. Parlamet onıń buyrıǵın konstituciyaǵa qarsı qarar sıpatında bahaladı.

Qaraqalpaqstan xabar agentligi