«Nókis mámleketlik texnika universitetin shólkemlestiriw haqqında»ǵı Prezident qararı qabıl etildi.

Qararǵa bola, Nawayı mámleketlik kánshilik hám texnologiyalar universiteti janındaǵı Nókis kánshilik institutı hám Tashkent málimleme texnologiyaları universiteti Nókis filialı negizinde Nókis mámleketlik texnika universiteti shólkemlestiriledi.
Sanaat, texnika-texnologiya, injenerlik tarawları ushın joqarı maǵlıwmatlı qánigeler hám ilimiy-pedagog kadrlardı tayarlaw, qayta tayarlaw hám olardıń mamanlıǵın arttırıw Universitettiń tiykarǵı wazıpalarınan biri etip belgilendi.
Universitette Aldıńǵı injenerlik mektebi jumısı shólkemlestiriledi.
2025-2026-oqıw jılına shekem Universitette tájiriybe-óndirislik (“spin-off”) kárxanası shólkemlestiriledi.
2025-2026-oqıw jılınan:
-Universitet studentleriniń pánlerdi ózlestiriw kórsetkishin hám professor-oqıtıwshılardıń jumıs nátiyjeliligin xalıqaralıq tájiriybeler tiykarında bahalaw sisteması engiziledi.
-Ámiwdárya injenerlik-texnologiyalar texnikumında injenerlik tarawlarındaǵı kásipler boyınsha kásiplik bilimlendiriw baǵdarlamalarında tolıq mámleketlik grant tiykarında orta bólim kadrlardı tayarlaw jolǵa qoyıladı.
Házirgi kúnde bilim alıp atırǵan barlıq studentler oqıwın Universitette dawam ettiredi hám pitkeriwshi kurs studentlerine belgilengen tártipte Universitet diplomı beriledi.

ÓzA