Ózbekstan Respublikası Prezidenti Shavkat Mirziyoev 27-yanvar kúni bolıp ótken telefon arqalı sóylesiwde Belarus Respublikası Prezidenti Aleksandr Lukashenkonı keshe bolıp ótken Prezidentlik saylawdaǵı isenimli jeńisi menen shın júrekten qutlıqladı.

Mámleketimiz basshısı saylawshılardıń belsene qatnasıwı hám dawıs beriw nátiyjeleri Belarus xalqı ámeldegi Prezidentke joqarı isenim bildirip atırǵanı, ámelge asırılıp atırǵan siyasat hám sociallıq-ekonomikalıq reformalardı keńnen qollap-quwatlap atırǵanın jáne bir márte tastıyıqlaǵanın ayrıqsha atap ótti.
Sóylesiw barısında ótken jılı 7-9-fevral kúnleri Belarus Prezidenti Aleksandr Lukashenkonıń Ózbekstanǵa saparı waqtında erisilgen kelisimlerdi ámelge asırıw kóz qarasınan Ózbekstan-Belarus kóp tárepleme sheriklik qatnasıqların bunnan bılay da rawajlandırıwdıń áhmiyetli máseleleri kórip shıǵıldı.
2024-jılı tovar almasıwdıń kólemi 700 million dollardan astı. Еkonomikanıń hár qıylı tarmaqlarında sanaat kooperaciyası joybarların jedellestiriw, tıǵız isbilermenlik hám aymaqlararalıq baylanıslardı, jedel mádeniy-gumanitarlıq almasıwlardı dawam ettiriw zárúrligi atap ótildi.
Ózbekstan hám Belarus jetekshileri bolajaq ilajlardıń rejesin de kórip shıqtı.

ÓzA