Prezident Donald Tramp óz hákimshiligine deportaciya etilgen migrantlardı alıp ketip baratırǵan AQSh áskeriy samolyotların qabıl etiwden bas tartqanı ushın Kolumbiyaǵa qarsı bir qatar sankciyalar qollanıw buyırılǵanın málim etti.

Onıń sózlerine bola, Amerika milliy qáwipsizligine zıyan jetkeretuǵın bul háreket ushın qatań qarsı sharalar kóriledi. Máselen, AQShqa kiretuǵın hár qanday tovar ushın 25 procent ayrıqsha tarif, Kolumbiya húkimeti ámeldarları hám olardıń barlıq awqamlasları, tárepdarlarına sayaxattı qadaǵan etiw hám vizalardı dárhál biykarlaw, barlıq partiya wákilleri, shańaraq aǵzaları hám húkimet tárepdarlarına qarsı viza sankciyasın engiziw názerde tutılmaqta.
– Bul tek ǵana baslanıwı, – degen Tramp.

Qaraqalpaqstan xabar agentligi