Sudannıń Arqa Darfur shtatı Fashir qalashası orayındaǵı emlewxanaǵa ushıwshısız samolyot hújimi uyımlastırıldı. Aqıbetinde 70 ten aslam adam ómirden kóz jumdı.

«Sudan News Agency» – SUNA xabarına qaraǵanda, region basshısı Mini Arko Minavi sociallıq tarmaqtaǵı betinde «Operativ háreket kúshleri tárepinen emlewxananıń tez járdem bólimine soqqı berilgeni, nátiyjede kóplegen nawqaslar, sonıń ishinde, hayal-qızlar hám balalar qaytıs bolǵanı»n bildirdi.
Bildiriwde Ayrıqsha jaǵdaylar bólimi hújimnen keyin zárúr xızmet kórsete almaǵanı da qosımsha etilgen.

Qaraqalpaqstan xabar agentligi