Ájiniyaz atındaǵı Nókis mámleketlik pedagogikalıq institutınıń Súwretlew óneri hám texnologiyalıq bilimlendiriw fakultetinde teoriyalıq sabaqlardı ámeliyat penen birge alıp barıw ushın barlıq sharayat jaratılǵan.

Fakultettiń oqıw-ustaxanası Ózbekstan Respublikası Ministrler Kabinetiniń 2018-jıl 22-noyabrdegi «Islam Rawajlanıw bankiniń qatnasıwında «Joqarı bilimlendiriw mákemeleriniń texnikalıq bazasın bekkemlew» joybarın ámelge asırıw ilajları haqqında»ǵı qararınıń orınlanıwı sheńberinde jámi 70 mıń AQSh dollarına jaqın qarjı esabınan zamanagóy ásbap-úskeneler menen támiyinlengen.
-Bul oqıw-ustaxanasınıń aspazlıq, temir hám aǵashtı qayta islew, tigiwshilik sıyaqlı bólmelerinde studentler teoriyalıq bilimin ámeliyat penen bekkemlemekte,-dedi texnologiyalıq bilimlendiriw kafedrasınıń baslıǵı Nurılla Orınbetov. – Bul jerde oqıw hám ámeliyat sabaqlarınan tısqarı, studentler ushın dógerek sabaqları da alıp barıladı. 100 den aslam student bul dógereklerde bos waqıtın nátiyjeli ótkermekte. Házirgi kúnde oqıw-ustaxanasında robototexnika boyınsha arnawlı bólme shólkemlestiriw jumısları ámelge asırılmaqta.

Qaraqalpaqstan xabar agentligi