Ózbekstan Respublikası Prezidentiniń 2025-jıl 3-yanvardaǵı «Respublikamız máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında»ǵı PQ-1-sanlı qararınıń mazmun-mánisin Tórtkúl rayonında aymaq turǵınlarına jaqınnan túsindiriw maqsetinde máhálle jetiliginiń qatnasıwında májilis bolıp ótti.

Májilisti rayon hákimi R.Shamuratov alıp bardı hám qarar boyınsha túsinikler berdi.
Máhállelerde qáwipsiz ortalıqtı jaratıw, huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw hám kriminogen jaǵday awır máhállelerdiń ilimiy-ámeliy qatnaslar tiykarında «Jol kartası»n islep shıǵıw kerek, – dedi rayon prokurorı N. Djolamanov.
Rayon IIB baslıǵı R.Turganbaev jınayatshılıqtıń aldın alıw baǵdarındaǵı jumıslardı jedellestiriw, máhállelerdegi xalıqtıń arasında profilaktikalıq jumıslardı belgilengen tártipte ámelge asırıw boyınsha óz pikirlerin bildirdi.
Ilajda máhálle jetiliginiń jumıs nátiyjeliligin arttırıw, puqaralardıń qáwipsizligin támiyinlew baǵdarında birge islesiw máseleleri keń túrde dodalandı.

Qaraqalpaqstan xabar agentligi