Bajıxana komiteti baspasóz xızmetiniń málim etiwinshe, Qazaqstan Respublikasınıń «Tajen» (Ózbekstan Respublikasınıń «Dawıt ata») shegara ótkeriw punkti arqalı adamlar, jeńil avtomobiller, avtobuslar hám ruqsat etilgen tolıq salmaǵı 3,5 tonnadan artpaytuǵın júk avtomobilleriniń háreketi 2025-jıl 1-fevral sánesinen baslap 3 ay múddetke waqtınsha toqtatıladı.

Bul sheklewler shegara ótkeriw punktlerinde ońlaw hám úskenelew jumısları alıp barılıwı múnásibeti menen Qazaqstan Respublikası tárepinen fizikalıq tárepler hám transport qurallarınıń qáwipsizligin támiyinlew maqsetinde engizilmekte.
Sol sebepli, házirgi waqıtta «Tajen» (Qazaqstan) –«Dawıt ata» (Ózbekstan) shegara ótkeriw punktleri arqalı háreketleniwshi shaxslar, jeńil avtomobiller, avtobuslar hám ruqsat etilgen tolıq salmaǵı 3,5 tonnadan artpaytuǵın júk avtomobilleri «Yallama», «Zangi ata» (Nawayı shegara bajıxana postı)», «Aq altın» hám «Malik» ótkeriw punktleri arqalı háreketleniwi múmkin.
Sonday-aq, fizikalıq tárepler ushın «Qaraqalpaqstan» temir jol ótkeriw punkti arqalı jolawshı poezdları háreketlenetuǵını málim etiledi.
Ruqsat etilgen tolıq salmaǵı 3,5 tonnadan artıq bolǵan júk avtomobilleriniń «Tajen» (Qazaqstan)- «Dawıt ata» (Ózbekstan) shegara ótkeriw punkti arqalı háreketi úzliksiz dawam ettiriledi.

ÓzA