Qazaqstan paytaxtı Astana qalasında jeńil atletika boyınsha xalıqaralıq jarıs bolıp ótti.

Dúnya júzilik jeńil atletika federaciyasınıń kalendarınan orın alǵan altın dárejedegi turnirde 40 mámleketten, sonıń ishinde, Ózbekstannan da belgili sportshılar qatnastı.
Jabıq arenada ótkerilgen bul jarıstıń úsh atlap sekiriw bellesiwinde saylandı komandamız wákili Sharifa Davronova 13,90 metr nátiyje menen gúmis medaldı jeńip alıwǵa eristi. Al, biyiklikke sekiriw sektorında óz áwmetin sınap kórgen komandamızdıń jáne bir aǵzası Amir Nagaev bolsa, 2,10 metr kórsetkish penen qola medalın jeńip alıwǵa miyasar boldı.

Adilbay Orazov,
Qaraqalpaqstan xabar agentligi sholıwshısı