2025-jıl 6-yanvarda Ózbekstan Respublikası Ministrler Kabinetiniń «Jarılıw qáwpi bolǵan ortalıqlarda paydalanılatuǵın ásbap-úskenelerdiń qáwipsizligi haqqındaǵı texnikalıq reglamentti tastıyıqlaw haqqında»ǵı 2-sanlı qararı qabıl etildi.

Bul qarar jarılıw qáwpi bolǵan ortalıqlarda paydalanılatuǵın ásbap-úskeneler ushın májbúriy talaplardı belgileydi. Reglament insan ómiri, salamatlıǵı, múlk hám qorshaǵan ortalıqtı qorǵawǵa qaratılǵan bolıp, tiykarǵı maqseti, qáwipsizlikti támiyinlew bolıp esaplanadı.

Ásbap-úskenelerdiń qáwipsizligi konstrukciyası, islew rejimleri hám texnikalıq parametrlerine tiykarlanıp bahalanadı. Bul talaplar islep shıǵarıwshılar tárepinen texnikalıq hújjetlerde belgilengen normalarǵa muwapıq ámelge asırılıwı kerek.
Jarılıw qáwpi bolǵan ortalıq – bul gaz, puw, shań yamasa talshıqlar aralasqan hawa menen átiraptaǵı sharayatlardıń janıwshılıǵın payda etiwi múmkin bolǵan ortalıq bolıp esaplanadı. Juwapker islep shıǵarıwshılar bunday ásbap-úskenelerdi islep shıǵarıw hám qollanıwda qáwipsizlik talaplarına ámel etiwi shárt.
Qarardıń áhmiyeti Ózbekstandaǵı jarılıw qáwpi bolǵan ortalıqlarda jumıs alıp barıwshı shólkemler hám kárxanalar ushın birden-bir qáwipsizlik talapların islep shıǵıwda kórinedi.
Bunnan tısqarı, bul qarar jarılıw qáwpi bolǵan ortalıqlarda paydalanılatuǵın ásbap-úskenelerdiń talapların dizimge aladı hám olardıń óndiris hám paydalanıw processlerinde nızamlı tiykarda ámelge asırılıwın támiyinleydi.
Reglamentke bola, jarılıw qáwpi bolǵan ortalıqlarda paydalanılatuǵın ásbap-úskenelerdiń talapları engiziledi hám bul process 6 aydan keyin basqıshpa-basqısh ámelge asırıladı.
Texnikalıq reglament talapları óndiris processlerinde qáwipsizlikti jaratıwǵa qaratılǵan. Bul óz gezeginde, qorshaǵan ortalıq hám adamlardıń qáwipsizliginde úlken áhmiyetke iye.

N.Ziyodullaeva,
ÓzA