Shomanay rayonı Mádeniyat bóliminde “Isbilermen hayal-qızlar hápteligi” sheńberinde Qaraqalpaqstan Respublikası hayal-qızları ushın belgili ekspert, “Uzbekistan Business Awards 2024” máresiminiń “Biznes tálim treneri” nominaciyasınıń jeńimpazı Sh.Ibragimova tárepinen biypul seminar-trening ótkerildi.

Treningte miymanlar dáslep rayondaǵı ónermentler tárepinen islep shıǵılǵan qol óneri jumısları hám kórgizbeleri menen jaqınnan tanıstı.
Seminar-treningte rayon hákiminiń orınbasarı A.Bekmuratov, Ózbekstan Sawda-sanaat palatası baslıǵınıń orınbasarı N.Shotursunova, “Hamrox” kompaniyasınıń baslıǵı D.Nurmatova, rayondaǵı isbilermenler hám óziniń isbilermenligin endi baslamaqshı bolıp atırǵan isbilermenlik kónlikpelerin ózlestiriwge qızıǵıwshılıǵı bar 200 den aslam hayal-qızlar qatnastı.
Ótkerilgen seminar rayon hayal-qızlarında úlken qızıǵıwshılıq oyattı. Seminar qızǵın sáwbetlesiwlerge bay bolıp, pikir alısıw, tájiriybe almasıw maydanına aylandı. Qatnasıwshılar tájiriybeli qánigelerden ózlerin qızıqtırǵan sorawlarǵa juwap aldı.

Qaraqalpaqstan xabar agentligi.