25-yanvar kúni Qırǵız Respublikası Prezidenti Sadir Japarov sapar etip mámleketimizde boldı.

Mámleketimiz basshısı Shavkat Mirziyoev Tashkent wálayatındaǵı «Ámirsay» kurort kompleksinde Qırǵızstan Prezidenti menen rásmiy emes ushırasıw ótkerdi.
Jetekshiler eki tárepleme qatnasıqlardıń áhmiyetli máseleleri, sonday-aq, xalıqaralıq siyasat hám regionallıq birge islesiw boyınsha pikir alıstı.
Qırǵızstan Prezidenti taw-shańǵı kompleksinde jaratılǵan sharayatlar hám onıń dúnyanıń joqarı standartlarına sáykes zamanagóy infrastrukturasın joqarı bahaladı.
Ózbekstan hám Qırǵızstanda mámleketlerimizdiń biybaha geolandshaftın hám hár qıylı tábiyatın esapqa alıp, kurort-rekreaciya orayların shólkemlestiriwge qaratılǵan birgeliktegi joybarlardı ámelge asırıwǵa kelisip alındı.

ÓzA