2024-jılı Ózbekstan jollarında 2200 den aslam insan JTH aqıbetinde qaytıs boldı. Más halında mashina basqarǵanı ushın jazalanǵan 8 mıń aydawshı qaǵıydabuzarlıqtı qayta islegen.

Senat tastıyıqlaǵan nızam menen más halında avtomobildi basqarǵanlıǵı ushın jınayıy juwapkershilik engizildi:
Birinshi márte qaǵıydabuzarlıq ushın járiyma BEMniń 25 esesinen 40 esege shekem arttırıladı (9,37 mln sumnan 15 mln sumǵa shekem).
Qaǵıydabuzarlıqtı qayta islegen jaǵdayda 3 jılǵa shekem aydawshılıq huqıqınan ayırıw, 2-3 jılǵa shekem minez-qulqın dúzetiw jumısları yaki erkinen ayırıw jazası tayınlanadı.
Nızamǵa muwapıq, transportta «agressiv basqarıw», «drift» hám «shaxmat» túrinde háreketleniw sıyaqlı qaǵıydabuzarlıqlar ushın da juwapkershilik belgilendi,-dep málimleme beredi xabar.uz saytı.

Qaraqalpaqstan xabar agentligi