Amerika Qurama Shtatlarına qaraslı qoltıq jaǵalawlarında jaylasqan qubla shtatlarda region ushın qáhárli suwıq hám qar boranınan 10 adam qaytıs boldı.

Dáslepki maǵlıwmatlarǵa qaraǵanda, Alabama, Texas hám Jorjiyada qáhárli suwıq hám kúshli qar aqıbetinde turaq jay imaratları janǵan, jol-transport hádiyseleri hám muzlaw jaǵdayı kóbeygen.
Jollar qattı muzlap, kóplegen baxıtsız hádiyseler baqlanıp atır, transport háreketi júdá azayǵan. Qolaysız hawa-rayı sebepli onlaǵan reys biykar etilgen.
Sinoptiklerdiń aytıwınsha, Meksika qoltıǵı aymaǵındaǵı suwıq hawa-rayı hápteniń aqırında normallasa baslaydı.

Qaraqalpaqstan xabar agentligi