Jınayat kodeksine tiyisli ózgerisler kirgiziw arqalı transport quralın qaytadan más halında basqarǵanı ushın jınayıy juwapkershilik belgilenbekte. Bunnan tısqarı, Jınayat kodeksinde transport quralın basqarıw huqıqınan ayırılǵan shaxstıń transport quralın basqarǵanı ushın da jınayıy juwapkershilik belgilenbekte.
Sonday-aq, Hákimshilik juwapkershilik haqqındaǵı kodekste transportta tártipsizlik, yaǵnıy ayırım aydawshılar tárepinen basqarıw mádeniyatına ámel etpey, transport quralın keskin basqarıw hám basqa háreketlerde belgilengen «agressiv basqarıw», «drift», «shaxmat» túrinde háreketleniw, jollarda tosqınlıq payda etiw sıyaqlı nızambuzılıwshılıqlar ushın hákimshilik juwapkershilik belgilenbekte.
Bunnan tısqarı nızam menen járiyma balları esaplanǵan jol háreketi qaǵıydaların buzǵanı ushın hákimshilik jaza qollanılǵanda aydawshılıq huqıqınan ayırıwdıń eń az muǵdarı altı aydan az bolmaytuǵını názerde tutılmaqta.
Qaraqalpaqstan xabar agentligi