«Cyber university» mámleketlik universitetin shólkemlestiriw haqqında»ǵı Prezident qararı (PQ-sanlı, 20.01.2025.j) qabıl etilgeni haqqında xabar berilgen edi.

Qararǵa bola, málimlemeni qorǵaw, «Cyber university» málimleme hám kiberqáwipsizlik, sanlı texnologiyalar hám sanlı ekonomika, jasalma intellektke tiykarlanǵan avtomatlastırılǵan málimleme-tallaw sitemaların jarıtıw, robototexnika hám basqa túrdegi taraw boyınsha kadrlar tayarlaw «Cyber university» mámleketlik universitetin tiykarǵı wazıypalarınan biri etip belgilendi.
Universitet tolıq akademiyalıq, qarjılay hám shólkemlestiriw-basqarıw jaǵınan biyǵárez bolǵan mámleketlik joqarı bilimlendiriw mákemesi esaplanadı hám pitkeriwshilerge mámleketlik úlgidegi diplom beriledi.
Onda studentlerdi oqıtıw mámleketlik grant hám tólemli-kontrakt tiykarında alıp barıladı.
Universitet quramında IT-klaster (málimleme texnologiyalar parki, texnopark) shólkemlestiriledi hám aldıńǵı sırt el tájiriybesine tiykarlanǵan texnologiyalıq hám innovaciyalıq ideyalarǵa baǵdarlanǵan startap joybarlardı jaratıw hám ámeliyatqa engiziw onıń tiykarǵı jumıs baǵdarlarınan biri etip belgilendi.
2025-2026- oqıw jılı ushın Universitetke bakalavr tayarlaw boyınsha kúndizgi bilimlendiriw túrine 100 mámleketlik grant ajıratıladı. Onda:
-ajıratılatuǵın mámleketlik grantlar bilimlendiriw baǵdarları kesiminde bólistiriledi;
Gezektegi oqıw jılınan baslap mámleketlik grant mámleketlik joqarı bilimlendiriw mákemelerine oqıwǵa qabıl etiwdiń mámleketlik buyırtpası parametrleri tiykarında ajıratıladı;
Universitette oqıw procesi 2025-jıl sentyabr ayında baslanadı, -dep málimleme beredi xabar.uz saytı.

Qaraqalpaqstan xabar agentligi