Sırdárya rayonında islep turǵan «Asaka Motors International» kompaniyasına qaraslı avtomobil zavodında jańa kommerciyalıq avtomobil – «WULING N111» di islep shıǵarıw jolǵa qoyıldı, dep xabar bermekte ÓzAnıń xabarshıları.

Jeti adamlıq sıyımlılıqqa iye, uzınlıǵı 3797 mm, eni 1510 mm hám biyikligi 1820 mm bolǵan avtomobil jolawshılar hám olardıń júklerin tasıwǵa mólsherlengen. Model 1,2 litrlik injektor atmosferalı dvigateline hám 82 at kúshine iye, ortasha janılǵını jumsaw 100 kilometrge 6,3 litr bolıp, benzin bakiniń sıyımlılıǵı 38 litrdi quraydı. Avtomobilde AVS sisteması hám basqa da qáwipsizlik elementleri bolıp, bul jolda qolaylılıqtı hám qáwipsizlikti támiyinleydi.
Asaka Motors International komaniyası sawda tarmaǵın keńeytiwdi rejelestirip otır, 2025-jıl 26-fevralǵa shekem elimizde keminde 4 avtosalon ashıladı, bul jerde qarıydarlar avtomobil menen tanısıp, jańa modellerge aldın ala buyırtpa beriwi múmkin, delinedi xabarda.

Qaraqalpaqstan xabar agentligi