«Isbilermen hayal-qızlar hápteligi» sheńberinde isbilermenlik penen shuǵıllanıwdı qálewshi hayal-qızlar ushın Taqıyatas rayonı Nurlı keleshek mákan puqaralar jıyınında jasawshı puqara G.Tajimuratovanıń shańaraǵında samarqandlı isbilermen Lochinbek Umarov tárepinen Samarqand nanın jabıw texnikası boyınsha master-klass shólkemlestiriledi.
-Master-klasstı shólkemlestiriwden tiykarǵı maqset ― usı aymaqta jasawshı jumıssız hayal-qızlardıń bántligin támiyinlew, olardıń turaqlı dáramat dáregine iye bolıwına járdem beriw, úy sharayatında ónim jetistirip, dáramat tabıw boyınsha kónlikpesin arttırıwdan ibarat,-deydi Taqıyatas rayonı hákimliginiń málimleme xızmeti baslıǵı Gúlxatiysha Urazbaeva.
Ilajda aymaq turǵınları samarqandlı isbilermen Lochinbek Umarovtıń tandırda Samarqand nanın jabıw texnikası boyınsha tájiriybesi menen ortaqlastı hám bul boyınsha ózlerin qızıqtırǵan sorawlarına juwaplar aldı.

Qaraqalpaqstan xabar agentligi