Beruniy rayonınıń orayınan uzaqta jaylasqan aymaqlarda puqaralar ushın qolaylıqlar jaratıw maqsetinde bir neshe joybarlar ámelge asırılmaqta. Tiykarınan, Prezidentimiz tárepinen isbilermenlerge jaratılǵan imkaniyatlardan orınlı paydalanıp, óziniń isbilermenlik jumısların baslap, xalıqqa xızmet etiwdi maqset etken isbilermenler sanı kóbeymekte.

Rayondaǵı «Doslıq» awıl puqaralar jıyınında isbilermen Sardar Qurambaev zamanagóy qolaylıqlarǵa iye, xalıqqa xızmet kórsetiw orayın shólkemlestirdi. Isbilermen óz qarjısı esabınan shólkemlestirgen orayda jańadan 10 jumıs ornın jaratıp, jumıssız puqaralardı jumıs penen támiyinledi.
Jaqsı niyetler menen jańadan ashılıp, paydalanıwǵa tapsırılǵan oraydıń ashılıw máresiminde jası úlkenler aq pátiyasın berip, xalqımızdıń jaqsı kúnlerine xızmet etiwin tiledi.

Qaraqalpaqstan xabar agentligi