Malayziya paytaxtı Kuala-Lumpur qalasında futbol boyınsha usı jıldıń 3-20-aprel kúnleri Saudiya Arabstanında ótkeriletuǵın U-17 Aziya kubogine shek taslaw máresimi bolıp ótti.

Oǵan bola, Ózbekstan saylandı komandası «A» toparınan orın aldı. Bul toparda komandamız aǵzaları Saudiya Arabstanı, Tailand hám Qıtayǵa qarsı gúres alıp baradı.
Sonı aytıp ótiwimiz kerek, bul turnir 17 jasqa shekemgi futbolshılar arasında Qatarda bolıp ótetuǵın jáhán chempionatına tańlap alıw basqıshı xızmetin de atqarıp, jarıstıń eń kúshli 8 komandası 2025-jılı ótkeriletuǵın jas óspirimler arasındaǵı mundialǵa qatnasıw huqıqın qolǵa kirgizedi.

Adilbay Orazov,
Qaraqalpaqstan xabar agentligi sholıwshısı