Nókis qalalıq sanitariya-epidemiologiyalıq tınıshlıq hám jámiyet salamatlıǵı bólimi tárepinen qala aymaǵında juqpalı keselliklerdiń aldın alıw hám epidemiologiyalıq ilajlardıń orınlanıwın baqlaw jumısları tastıyıqlanǵan is jobaǵa tiykarlanıp alıp barılmaqta.

Nókis qalasında basqarılatuǵın infekciyalarǵa qarsı aldın-alıw immunoprofilaktikalıq shanshıw jumısları Qaraqalpaqstan Respublikalıq aymaqlıq perinatal Orayı hám Nókis qalalıq medicina birlespesi tuwıw bólimi hám qalalıq medicina birlespesine qaraslı 10 shańaraqlıq poliklinika hám Qarataw emlewxana filialı jámi 13 emlew-profilaktika mekemeleri tárepinen alıp barıladı.
Ótken jıl dawamında Qaraqalpaqstan Respublikalıq aymaqlıq perinatal Orayı hám Nókis qalalıq medicina birlespesi tuwıw bólimi tárepinen 9208 tuwılǵan balalarǵa viruslı gepatit “V”ǵa qarsı 9032 (98,1%), tuberkulez keselligine qarsı BCJ vakcinası menen 8870 (96,3%) balalar shanshıldı.
2024-jıl dawamında qalalıq medicina birlespesine qaraslı 10 shańaraqlıq poliklinika hám Qarataw emlewxana filialı tárepinen poliomielit keselliklerine karsı vakcinası (OPV) menen rejedegi 26396 baladan 24596 (93,1%) bala, rotavirus keselligine qarsı vakcinası (ROTA) menen rejedegi 21435 baladan 21080 (98,3%) bala, kókjótel, difteriya, stolbnyak, viruslı gepatit V, XIB infekciyasına qarsı (PENTA) vakcina menen rejedegi 19901 baladan 19705 (99%), pnevmakokk infekciyasına qarsı (PNEVMO) vakcina menen rejedegi 21281 baladan 19705 (92,5%) bala, qızılsha, epid parotit, qızamıq keselliklerine qarsı (KPK) vakcinası menen rejedegi 11787 baladan 11593 (98,3%) bala, kókjótel, difteriya, stolbnyak keselliklerine qarsı vakcinası (AKDS) menen rejedegi 6551 baladan 6441 (98,3%) bala, inaktivlengen poliomielit vakcinası (IPV) menen rejedegi 14004 baladan 13867 (99%) bala, jatır moynı ragi keselligine qarsı (VPCh 1) vakcinası menen rejedegi 3153 baladan 3059 (97%) bala, (VPCh 2) vakcinası menen rejedegi 1642 baladan 1642 (100%) bala shanshıldı.
Qaraqalpaqstan Respublikası sanitariya epidemiologiyalıq tınıshlıq hám jamiyet salamatlıǵı basqarmasınıń 2023-jıl 7-dekabrdegi 8/3-3203 – sanlı kórsetpe xatı talaplarınıń orınlanıwın támiynlew máqsetinde qızılsha infekciyasına qarsı 6 aylıq balalardan 7 jasqa shekemgi balalarǵa hám qızılsha keselligi menen kontaktta bolǵanlar ushın 2024-jıl aprel ayınan 27850 doza monovalent qızılsha keselligine qarsı vakcina alınıp, sonnan 2024-jıl 30-avgust kúnine shekem 24101 doza shanshıldı.
Nókis qalası aymaǵında koronaviruska qarsı shanshıw jumısları boyınsha bir qatar jumıslar alıp barıldı. 2021 jıl 1-aprel kúninen 2024-jıl 27-dekabr kúni aralıǵında jámi – 658485 vakcina sarıplandı, sonnan 1 tur boyınsha – 183523 (87.8%), 2 tur boyınsha – 132003 (64%), 3 tur boyınsha -68452 (32,3%) puqaralarǵa shanshıw jumısları ótkerildi. Sonnan Astra Zeneka vakcinası menen – 21670, ZF-UZ-VAK 2001 vakcinası menen – 320807, Sputnik V vakcinası menen – 14611, Moderna vakcinası menen – 81533, Pfayzer vakcinası menen- 162506, SINOVAK vakcinası menen 18400, Sputnik Layt vakcinası menen 1060, Jonsen-jonsen vakcinası menen 32498 shanshıw ilajlar ótkerildi.
2024-jıldın 12 ayı dawamında qala aymaǵında juqpalı keselliklerden ish súzegi, paratif «V», brucellez, qurózek (difteriya), meningit infekciyası, qaqsal (stolbnyak), láń (poliemielit), qızamıq (krasnuxa) viruslı gepatit «D», rikketsiozlar, Ku-ısıtpası, trixomonoz kesellikleri dizimge alınbadı.
Xalıqtıń salamatlıǵın támiyinlew mámleketlik siyasat dárejesindegi másele. Ásirese, juqpalı kesellikler tarqalıwınıń aldın alıw oǵada áhmiyetli. Bul baǵdarda Nókis qalalıq sanitariya-epidemiologiyalıq tınıshlıq hám jámiyet salamatlıǵı bólimi tárepinen jıl dawamında jedel jumıslar alıp barıladı. Tiykarǵı maqset, keselliklerdiń aldın alıw bolıp tabıladı, – deydi Emlew profilaktikalıq mákemelerin baqlaw bóliminiń baslıǵı Z.Yuldashev.

Qaraqalpaqstan xabar agentligi